सूर्यवंशभूपरन्न भद्रपीठसंस्थितम् ।
जानकीसमेतमब्जपत्रनेत्रशोभितम् ।।
कैकयीजलक्ष्मणांजनेयमुख्यसंस्तुतम् ।
रामचंद्रमाश्रयेऽमरेन्द्रवृन्दवंदितम् ।।१।।
sūryavaṁśabhūparanna bhadrapīṭhasaṁsthitam ।
jānakīsametamabjapatranetraśobhitam ।।
kaikayījalakṣmaṇāṁjaneyamukhyasaṁstutam ।
rāmacaṁdramāśraye'marendravr̥ndavaṁditam ।।1।।
The one who is seated on the grand pedestal of the Suryavanshi dynasty.
मंदहाससुंदरास्यपुंडरीकमीश्वरं ।
चंडभानुगोत्रसिंधुचंद्रमिंदिरावरम् ।।
वंद्यपादयुग्मदासचंद्रमौलिसंस्मृतम् ।
रामचंद्रमाश्रयेऽमरेन्द्रवृन्दवंदितम् ।।२।।
maṁdahāsasuṁdarāsyapuṁḍarīkamīśvaraṁ ।
caṁḍabhānugotrasiṁdhucaṁdramiṁdirāvaram ।।
vaṁdyapādayugmadāsacaṁdramaulisaṁsmr̥tam ।
rāmacaṁdramāśraye'marendravr̥ndavaṁditam ।।2।।
गाधिजातसप्ततंतुविघ्नजातसंहरं ।
चंडिकेशचंडचापदंडखंडनोत्करं ।।
भार्गवोग्रकोपशामकं सुवीरसंस्थितम् ।
रामचंद्रमाश्रयेऽमरेन्द्रवृन्दवंदितम् ।।३।।
gādhijātasaptataṁtuvighnajātasaṁharaṁ ।
caṁḍikeśacaṁḍacāpadaṁḍakhaṁḍanotkaraṁ ।।
bhārgavograkopaśāmakaṁ suvīrasaṁsthitam ।
rāmacaṁdramāśraye'marendravr̥ndavaṁditam ।।3।।
सत्यसंधतातदत्तवाक्यपालनोत्सुकं ।
मित्रवर्य मित्रपुत्र शत्रुजीवनाशकं ।।
शौर्यधैर्यवीर्यवर्यसद्गुणौघमंडितं ।
रामचंद्रमाश्रयेऽमरेन्द्रवृन्दवंदितम् ।।४।।
satyasaṁdhatātadattavākyapālanotsukaṁ ।
mitravarya mitraputra śatrujīvanāśakaṁ ।।
śauryadhairyavīryavaryasadguṇaughamaṁḍitaṁ ।
rāmacaṁdramāśraye'marendravr̥ndavaṁditam ।।4।
वैरिपक्षभीतिहेतुचापबाणधारिणं ।
रावणादि राक्षसेंद्रजीवकालरूपिणं ।।
राज्यलाभपूर्णकामरावणानुजार्चितं ।
रामचंद्रमाश्रयेऽमरेन्द्रवृन्दवंदितम् ।।५।।
vairipakṣabhītihetucāpabāṇadhāriṇaṁ ।
rāvaṇādi rākṣaseṁdrajīvakālarūpiṇaṁ ।।
rājyalābhapūrṇakāmarāvaṇānujārcitaṁ ।
rāmacaṁdramāśraye'marendravr̥ndavaṁditam ।।5।।
श्रेष्ठरत्नवारचारूहारशौभिवक्षसं ।
वारिवाहकांतिदेहरम्यगौरवाससं ।।
सत्किरीटरत्नङ्कणांगदप्रभूषितं ।
रामचंद्रमाश्रयेऽमरेन्द्रवृन्दवंदितम् ।।६।।
śreṣṭharatnavāracārūhāraśaubhivakṣasaṁ ।
vārivāhakāṁtideharamyagauravāsasaṁ ।।
satkirīṭaratnaṅkaṇāṁgadaprabhūṣitaṁ ।
rāmacaṁdramāśraye'marendravr̥ndavaṁditam ।।6।।
विश्वसृष्टिपालनान्तहेतुभूतचिन्मयम् ।
पाददासवांछितार्थदानशौंडमव्ययम् ।।
रूप्यपीठभूतमध्वरूपवायुपूजितं ।
रामचंद्रमाश्रयेऽमरेन्द्रवृन्दवंदितम् ।।७।।
viśvasr̥ṣṭipālanāntahetubhūtacinmayam ।
pādadāsavāṁchitārthadānaśauṁḍamavyayam ।।
rūpyapīṭhabhūtamadhvarūpavāyupūjitaṁ ।
rāmacaṁdramāśraye'marendravr̥ndavaṁditam ।।7।।
साधुस्वर्णमंटपस्यरत्नपीठराजितं ।
पार्श्वभागसंगतांजनेयार्क्ष्यसेवितं ।।
काशीमठीयभिक्षुवृंदसंप्रपूजितं ।
रामचंद्रमाश्रयेऽमरेन्द्रवृन्दवंदितम् ।।८।।
sādhusvarṇamaṁṭapasyaratnapīṭharājitaṁ ।
pārśvabhāgasaṁgatāṁjaneyārkṣyasevitaṁ ।।
kāśīmaṭhīyabhikṣuvr̥ṁdasaṁprapūjitaṁ ।
rāmacaṁdramāśraye'marendravr̥ndavaṁditam ।।8।।
साधुस्वर्णमंटपस्यरत्नपीठराजितं ।
पार्श्वभागसंगतांजनेयार्क्ष्यसेवितं ।।
काशीमठीयभिक्षुवृंदसंप्रपूजितं ।
रामचंद्रमाश्रयेऽमरेन्द्रवृन्दवंदितम् ।।८।।
sādhusvarṇamaṁṭapasyaratnapīṭharājitaṁ ।
pārśvabhāgasaṁgatāṁjaneyārkṣyasevitaṁ ।।
kāśīmaṭhīyabhikṣuvr̥ṁdasaṁprapūjitaṁ ।
rāmacaṁdramāśraye'marendravr̥ndavaṁditam ।।8।।
।।इति श्रीमद् वरेन्द्रतीर्थकृतं श्रीरामाष्टकम् संपूर्णम् ।।
।iti śrīmad varendratīrthakr̥taṁ śrīrāmāṣṭakam saṁpūrṇam ।।