श्रीकरीमीश्वरीं देवीं श्रीमन्नारायणप्रियाम् ।
दिव्यलक्षणसंपन्नां महालक्ष्मीमुपास्महे ।।१।।
ब्रम्हरुद्रमहेन्द्रादि वन्द्यवृन्दारकार्चिताम् ।
वन्दारुवरदां सिद्धां महालक्ष्मीमुपास्महे ।।२।।
अष्टैश्वर्यप्रदाम् अष्टलक्ष्मीरुपां मनोहराम् ।
भक्तकष्टप्रशमनीं महालक्ष्मीमुपास्महे ।।३।।
मालती मल्लिका जाती सुगंधकुसुमप्रियां ।
अवर्णनीयलावण्यां महालक्ष्मीमुपास्महे ।।४।।
भद्रां भगवतीं मायां भार्गवीं भार्गवप्रियाम् ।
मायातीतां सुप्रसन्नां महालक्ष्मीमुपास्महे ।।५।।
पद्ममनाभहृदम्भोजसंस्थितां परमेश्वरीम् ।
पद्मावतीं पद्मनेत्रां महालक्ष्मीमुपास्महे ।।६।।
भक्तवात्सल्यसंपूर्णा मङ्गलां परमां रमाम् ।
प्रपन्नापालनरतां महालक्ष्मीमुपास्महे ।।७।।
वाचामगोचरां सर्वचराचरनियामिकाम् ।
मुनिमानससंचारां महालक्ष्मीमुपास्महे ।।८।।
महालक्ष्मीस्तवं भक्त्या पटन् नित्यं समाप्नुयात् ।
हरे: हरिप्रियावाश्च दयां भक्तिं नरो ध्रुवम् ।। ९।।
।। इति श्रीमद् सुधीन्द्रतीर्थकृतं महालक्ष्मीस्तवनं संपूर्णम् ।।
śrīkarīmīśvarīṁ devīṁ śrīmannārāyaṇapriyām ।
divyalakṣaṇasaṁpannāṁ mahālakṣmīmupāsmahe ।।1।।
bramharudramahendrādi vandyavr̥ndārakārcitām ।
vandāruvaradāṁ siddhāṁ mahālakṣmīmupāsmahe ।।2।।
aṣṭaiśvaryapradām aṣṭalakṣmīrupāṁ manoharām ।
bhaktakaṣṭapraśamanīṁ mahālakṣmīmupāsmahe ।।3।।
mālatī mallikā jātī sugaṁdhakusumapriyāṁ ।
avarṇanīyalāvaṇyāṁ mahālakṣmīmupāsmahe ।।4।।
bhadrāṁ bhagavatīṁ māyāṁ bhārgavīṁ bhārgavapriyām ।
māyātītāṁ suprasannāṁ mahālakṣmīmupāsmahe ।।5।।
padmamanābhahr̥dambhojasaṁsthitāṁ parameśvarīm ।
padmāvatīṁ padmanetrāṁ mahālakṣmīmupāsmahe ।।6।।
bhaktavātsalyasaṁpūrṇā maṅgalāṁ paramāṁ ramām ।
prapannāpālanaratāṁ mahālakṣmīmupāsmahe ।।7।।
vācāmagocarāṁ sarvacarācaraniyāmikām ।
munimānasasaṁcārāṁ mahālakṣmīmupāsmahe ।।8।।
mahālakṣmīstavaṁ bhaktyā paṭan nityaṁ samāpnuyāt ।
hare: haripriyāvāśca dayāṁ bhaktiṁ naro dhruvam ।। 9।।
।। iti śrīmad sudhīndratīrthakr̥taṁ mahālakṣmīstavanaṁ saṁpūrṇam ।।